O‘zLiDeP Жиззах вилоят Кенгаши фаолларидан иборат ишчи гуруҳи аъзоларининг очиқ мулоқотларидан бири Арнасой туманидаги “Зарафшон” ва “Чўлқувар” қишлоқ фуқаролар йиғинларида ташкил этилди.  Мазкур ҳудудларда 1 128 та хонадон мавжуд бўлиб, уларда 7 405 нафар киши истиқомат қилади. Суҳбатлар давомида  51 та муаммо аниқланиб, 20 таси жойида ҳал қилинди. 31 та масала юзасидан тегишли ташкилотларга депутатлик сўровлари юборилди. Жумладан, аҳоли томорқасини суғориш учун сув танқислигини  бартараф этиш юзасидан депутат Рустам Ўтабоев томонидан мутасаддиларга сўров киритилгандан сўнг бу борада амалий ишлар бошлаб юборилди.

 – Дарҳақиқат, томорқа ҳар бир оила учун қўшимча даромад манбаи. Бироқ уларни суғориш жиддий муаммо эди, – дейди “Чўлқувар” қишлоқ фуқаролар йиғинида яшовчи
Акмал Баратов. – Ҳовлимизда 0,6 сотих ер бор. Аммо сув танқислиги туфайли ундан унумли фойдаланишнинг имкони йўқ эди. O‘zLiDeP фаоллари кўмаги билан бу муаммо ўз ечимини топаяпти.

Учрашувлар давомида “Ҳар бир оила – тадбиркор” ва “Yoshlar – kelajagimiz” дастурлари доирасида тадбиркорлик билан шуғулланмоқчи бўлганларга имтиёзли кредитлар қандай ажратилиши тўғрисида атрофлича маълумотлар берилди.

Баҳром МИРЗАҚОБИЛОВ,

“XXI asr” мухбири