Ishbilarmon, mardlik va shijoat sohibi, azmi qat`iy, tadbirkor va hushyor bir kishi ming-minlab tadbirsiz, loqayd kishilardan yaxshidir

Афғонистон бўйича халқаро анжуманда нима ҳақида фикр билдирилади?

Афғонистон бўйича халқаро анжуманда нима ҳақида фикр билдирилади?

            Тошкент шаҳрида жорий йил 26—27 март кунлари ўтказиладиган Афғонистон бўйича «Тинчлик жараёни, хавфсизлик ва минтақавий алоқалар соҳасида ҳамкорлик» халқаро анжумани очилиш маросимида Президент Шавкат Мирзиёев ва Афғонистон Президенти Ашраф Ғани сўзга чиқади. Бу ҳақда Ўзбекистон Ташқи ишлар вазирлигининг берган маълумотига асосланиб,  “Daryo.uz” хабар берди. 

            Анжуманда иштирок этиш учун БМТ бош котиби Антониу Гутерриш ва БМТнинг Афғонистондаги махсус вакили Тадамити Ямамота, Европа кенгашининг ташқи ишлар ва хавфсизлик сиёсати бўйича олий комиссари Федерика Могерини, шунингдек Хитой, Россия, АҚШ, Буюк Британия, Германия, Италия, Франция, Туркия, Ҳиндистон, Эрон, Покистон, Қозоғистон, Қирғизистон, Тожикистон, Туркманистон, Саудия Арабистони ва Бирлашган Араб Амирликлари ташқи сиёсат маҳкамалари раҳбарлари таклиф қилинган.

           Форум қатнашчилари Афғонистон ҳукумати ва «Толибон» ҳаракати ўртасида ҳеч қандай дастлабки шартларсиз тўғридан-тўғри музокараларни тез орада бошлаш зарурати ҳақида фикр билдириши кутилмоқда.

           Конференция якунлари бўйича Тошкент декларацияси қабул қилиниши режалаштирилган.