Ishbilarmon, mardlik va shijoat sohibi, azmi qat`iy, tadbirkor va hushyor bir kishi ming-minlab tadbirsiz, loqayd kishilardan yaxshidir

Жажжи маликалар мода фестивали

Жажжи маликалар мода фестивали

Айни кунларда пойтахтимиздаги Ёшлар ижод саройида “Болажонлар-ширинтойлар” республика анъанавий мода фестивали бўлиб ўтмоқда.

Фестивалда мамлакатимиз дизайнерлари яратган 450 янги кийим-бош тўплами тақдим этилаётир. Янги либос намуналарини «Тантана», «Fashion Lab» ижодий студиялари, «Колибри» арт-бюроси ва «Олтин қанот» мактабининг 2,5 ёшдан 13 ёшгача бўлган 220 нафар ёш модельери намойиш қиляпти.

– Бу йил илк маротаба икки ёшли жажжи қизалоқларимиз подиумда оналарининг либослари билан уйғунликда яратилган модаларни намойиш этишади, – дейди “Osiyo ramzi” дизайнерлар уюшмаси аъзоси Умида Воҳидова. – Ота ва ўғил учун яратилган турли бичим ва услубдаги кийимларни ҳам кўришингиз мумкин. Либосларни тикишда фойдаланилган матоларнинг деярли ҳаммаси ўзимизда ишлаб чиқарилган.

Уч кунлик намойишда юртимиз дизайнерлари яратган 450 янги кийим-бош тўплами мода мухлислари эътиборига ҳавола қилинади.

 

Дурдона ҒАЙБУЛЛАЕВА,

“XXI asr” мухбири