Ishbilarmon, mardlik va shijoat sohibi, azmi qat`iy, tadbirkor va hushyor bir kishi ming-minlab tadbirsiz, loqayd kishilardan yaxshidir

Журналистлар Саудия Арабистонида

Журналистлар Саудия Арабистонида

Муборак рамазон ҳайити арафасида  11 нафар  фарғоналик журналистлар  ижодий уюшма вилоят бўлими ташаббуси ва ташкилотчилигида  Саудия Арабистонида, Мадина ва Макка шаҳарларида Умра зиёратини амалга оширдилар. Бу ҳақида уюшманинг  Фарғона вилояти бўлими сайти хабар берди.  

Қадр кечасини ҳамжиҳатликда Каъба саҳнида қаршилаган журналистлар Ҳайит намозини ҳам Ҳарами Шарифда ўқидилар.

Шунингдек, сафар чоғи Жиддадаги Ўзбекистон бош консулхонасида фарғоналик журналистларни бош консул Сирожиддин Шамсутдинов расман қабул қилди. Саудиянинг йирик газеталари бош муҳаррирлари билан амалий учрашув ва ижодий мулоқотлар ўтказилди.

Эътиборли жиҳати, Саудия Арабистони подшоҳлиги газеталари Ўзбекистон журналистлари ижодий уюшмаси Фарғона вилояти бўлими раиси Муҳаммаджон Обидов бошчилигидаги делегация билан Саудия ОАВлари бош муҳаррирларининг учрашувини, ундаги амалий келишувларни ҳам кенг ёритиб борди.

Манба: "Халқ сўзи" online нашри.