Ishbilarmon, mardlik va shijoat sohibi, azmi qat`iy, tadbirkor va hushyor bir kishi ming-minlab tadbirsiz, loqayd kishilardan yaxshidir

«Тошшаҳартрансхизмат» 38-автобусда содир бўлган ҳолат бўйича маълумот берди

«Тошшаҳартрансхизмат» 38-автобусда содир бўлган ҳолат бўйича маълумот берди

Жорий йил 13 май куни 4-автобус саройи тасарруфидаги 38-йўналишда қатновчи сарой рақами 37 бўлган «Мерседес-бенц» русумли автобусда нохуш воқеа юз берди. 

«Тошшаҳартрансхизмат» хабарига кўра, йўловчи йигит ҳеч бир сабабсиз салон ичида тўсиқ мақсадида ўрнатилган ойнани синдириб, автобусдан тушиб қочиб кетган. 

Бошқа йўловчиларнинг гувоҳлик беришича атрофдагиларга ҳеч қандай зарар етмаган. Аммо йигитнинг ўзи жароҳат олган.

Ушбу воқеа юзасидан ички ишлар органига хабар берилган.

«Юз бераётган ана шундай ҳолатларни инобатга олиб, «Тошшаҳартрансхизмат» АЖ раҳбарияти барча йўловчилар ва шаҳримиз меҳмонларидан жамоат транспортларига эҳтиёткорлик билан муносабатда бўлишни, уни асраб-авайлаб, кўп йиллар халқимизга соз ҳолда хизмат қилишига ўз ҳиссаларини қўшишларини яна бир карра сўраб қолади», - дейилади хабарда.

Манба: "Kun.uz" нашри.