2017 йилнинг ўзида вилоятда янги 8 та меҳмонхона қуриб фойдаланишга топширилди, натижада улар сони 58 тага, ўринлар сони эса 2 473 тага етказилди. Яна 4 та сайёҳлик ташкилоти очилди. Жорий йилда вилоят туризм комплексини янада ривожлантириш мақсадида амалга оширилиши лозим бўлган чора-тадбирларни белгилаб олинган. Булар сирасига: Хоразм вилоятига ташриф буюраётган сайёҳлар сонини кескин ошириш учун “Ўзбекистон ҳаво йўллари” миллий авиакомпанияси билан йил давомида қўшимча янги, хусусан, Истанбул-Урганч ва Россиянинг Москва, Санкт-Петербург, Қозон ва бошқа йирик шаҳарларидан авиақатновларни кўпайтириш, Ўзбекистоннинг чет давлатлардаги элчилари ва “Ўзбекистон ҳаво йўллари” миллий авиакомпаниясининг хориждаги вакиллари билан Хоразмга 60 мингдан ошиқ хорижий сайёҳларни жалб қилиш бўйича ишлаб чиқилган ойлик график (масалан, ушбу ишлар самараси ўлароқ, 29 январда “Инчхон-Ургенч” чартер рейси билан Кореа Республикасидан 122 сайёҳнинг 2 кунлик ташрифи уюштирилди) сингари лойиҳалар киради.
Бу ҳақда OzLiDeP халқ депутатлари Хоразм вилоят ва Урганч шаҳар кенгашларидаги депутатлик гуруҳларининг қўшма мажлисида Хоразм вилоят ҳокимининг туризмни ривожлантириш масалалари бўйича ўринбосари Темур Давлетов халқ вакилларига тақдим этган ҳисоботида айтиб ўтди.
