Tuesday, May 30th

Last update07:38:55 AM GMT

You are here:

САФДОШЛАРИМИЗ КЎМАГИ БИЛАН сергелилик 40 нафар йигит-қиз ишга жойлаштирилди

O‘zLiDeP Сергели туман Кенгаши ҳамда туман Бандликка кўмаклашиш маркази ҳамкорлигида 2017-2021 йилларда Ўзбекистон Республикасини янада ривожлантириш бўйича Ҳаракатлар стратегияси, Ҳудудларни комплекс ривожлантириш дастурлари ҳамда Олий Мажлис палаталари томонидан тасдиқланган аҳоли бандлигини таъминлаш дастури амалга оширилишини таъминлаш мақсадидаБўш иш ўринларимеҳнат ярмаркаси ташкил этилди. Унда 30 дан ортиқ корхона ва ташкилот, тадбиркорлик субъекти 790 та бўш иш ўрни билан иштирок этишди.

Партиянинг “Ёш мулкдор – юрт таянчи” лойиҳаси доирасида тумандаги маҳаллаларда ишсиз ёшлар қатлами аниқланиб, тадбиркорликка қизиқиш билдирганлар махсус семинарларда ўқитилди. Бошқа соҳаларда ишлаш истагини маълум қилган ёшлар эса мазкур ярмаркага таклиф этилди.
Бўш иш ўринлари билан танишган ёшлардан 63 та мурожаат тушди ва уларнинг 40 нафарига ишга жойлашиш учун йўлланма берилди.
– Коллежни тамомлаганимдан буён икки йил ўтган бўлса-да, ҳанузгача ишга жойлаша олмагандим, – дейди ярмарка иштирокчиси Лобар Мавлонова. – Партия ходимларининг таклифига кўра ярмаркада иштирок этдим. Шу ернинг ўзида меҳнат шартномаси тузиб, “Контакт инфо” МЧЖга табелчи лавозимига ишга қабул қилиндим.
– Бугун туманимиздаги “Зиёкор” маҳалласи посбони лавозимига ишга кириш учун йўлланма олдим, – дейди  Абдулазиз Шералиев. – Вазифамни сидқидилдан адо этиб,  юрт осойишталигига ўз ҳиссамни қўшмоқчиман.
Мазкур тадбирда партия фаоллари ҳамкорлар билан шу сингари ярмаркаларни бошқа туманларда ҳам ўтказишга келишиб олдилар.

Ўз мухбиримиз

Joomla